ဟာသများ

အခန်းမကျော်အောင်

၅နှစ် အရွယ် နှင့် ၇နှစ်အရွယ် ညီအကို ကလေးငယ်နှစ်ယောက်တို့ တီဗွီကိုထိုင်ကြည့်နေကြစဉ် အငယ်ကောင်က တီဗွီခလုတ်ကို ပိတ်လိုက်သည်။

“ကြည့်လို့ကောင်းနေတုန်း ဘာလို့တီဗွီပိတ်ရတာလဲ”

“ငါရှူးရှူးသွားပေါက်နေတုန်း အခန်းကျော် သွားမှာစိုးလို့”


..............

ချစ်ရတဲ့ မြေးလေး

အငြိမ်းစား တရားသူကြီးသည် စာသင်ကျောင်းထဲ ၀င်သွားခဲ့သည်။

“ကျွန်တော်ဟာ သူငယ်တန်းက ဆန်းနီလေး ရဲ့ အဘိုးပါ။ ကျွန်တော့မြေးလေး ကျောင်းတက်တာကို လာကြည့်တာပါ”

“သြော်ဟုတ်ကဲ့၊ ဆန်းနီလေးဟာ သူ့အဘိုး အငြိမ်းစားတရားသူကြီးရဲ့ ဈာပနာကို လိုက်ပို့စရာရှိလို့ဆိုပြီး ခွင့်ယူသွားပါတယ်ရှင်”


.............................................

ဧည့်နှင်နည်း




“ကလေးမရယ် အသံလည်းမကောင်းဘဲနဲ့ ဘာလို့ သီချင်းအော်ဆိုရတာလဲကွဲ့”

“သမီးက မဆိုချင်ပါဘူး။ ဒါပေမယ့် မေမေက ဧည့်သည်တွေ နှင်ချင်တဲ့အခါမှာ အခုလို အော်ဆိုခိုင်းလို့ပါ”


...........................................


ရိုက်မှာစိုးလို့

“သားရေ ဟောဒါ အသစ်ပြောင်းလာတဲ့ ဘေးခန်းက အန်တီလေးကွယ့်။ မိတ်ဆက်တဲ့ အနေနဲ့ အန်တီ့ ကို မွှေးမွှေးပေးလိုက်ပါဦး”

“ဟင့်အင်း၊ သားကြောက်တယ် မေမေ”

“ဘာဖြစ်လို့လဲ”

“မနေ့က သူ့ကို ဖေဖေသွားနမ်းတာ ပါးရိုက်လွှတ်တယ်ဗျ”
.....................................................................


သူဆိုရင် လက်တည့်တယ်

“ဟေ့လူ ဟောဟိုမှာစုပြီး ကစားနေတဲ့ကလေးငယ်တွေထဲက ကျွန်တော့ကို ခဲနဲ့လှမ်းပေါက်တာ ခင်ဗျား သားဖြစ်မယ်ထင်တယ်”

“ခင်ဗျားကို ထိသွားလို့လား”

“ဟင့်အင်း”

“အဲ့ဒါဆို ကျွန်တော့်သားမဟုတ်ဘူး”
................................................................................................


ယုံကြည်လာသူ



“ငါ့မိန်းမက င့ါကို ဘာသာရေးသမားဖြစ်အောင် လုပ်ပေးလိုက်တယ်ကွ”

“ဘယ်လိုလုပ်ပေးတာလဲ သူငယ်ချင်း”

“သူနဲ့လက်မထပ်ခင်အထိ ငရဲရှိတယိဆိုတာငါ မယုံခဲ့ဘူးလေ”


...................................



သမက်ရဲ့ စေတနာ



“ယောကျာ်းရေ မေမေ ပြောနေတယ်။ ရှင် ပြောတဲ့ ဟာသတွေက အရမ်းရယ်ရလွန်းလို့ အူတက်ပြီးသေမတတ်ပဲတဲ့”

“တကယ်လား၊ ဒါဆို ဒီထက်ပိုရယ်ရတဲ့ ဟာသတွေ ပြောပြပေးမယ်”


....................................................






ပေါက်ကရ မပြောနဲု့





ယာဉ်ထိန်းရဲက အမြန်မောင်းလာသာကိုပြောလိုက်သည်။

“လူကြီးမင်းရဲ့ ကားမောင်းနှုန်းက တစ်နာရီ ၈၅မိုင်ဖြစ်နေပါတယ်”

“ပေါက်ကရမပြောနဲ့။ ငါမောင်းလာတာမှ ဆယ်မိနစ်ပဲ ရှိသေးတယ်”

.....................................................................


မိထားတဲ့သူက

“ဟဲလို.. ဋ္ဌာနချုပ်ကလား။ ကုန်တိုက်ရှေ့မှာ လုယက်မှုတစ်ခု ဖြစ်ပွားခဲ့ပါတယ်။ တစ်ယောက်ကိုတော့ ကျွန်တော် မိထားပါတယ်။”

“ဘယ်တစ်ယောက်လဲ”

“အလုပ်ခံရတဲ့သူ”

..........................................................................................


သဘာဝ





“မင်းက င့ါကို အရူးလုပ်နေတာလား”

“ဟင့်အင်း၊ ခင်ဗျားရဲ့ ပင်ကိုသဘာဝပေါ်မှာ ကျွန်တော် ဘယ်တော့မှ အနှောက်အယှက် မပေးတတ်ပါဘူး။”
..........................................................................


ထိုင်ခုံမရှိလို့



“ရုရှားစစ်သည်တော်နှစ်သန်းက စစ်မြေပြင်ရောက်တဲ့အခါ မတ်တတ်ရပ်ပြီး အသင့်ပြင်နေတာ ဘာကြောင့်လဲ မောင်မောင်ဖြေစမ်း။”

“ဟုတ်ကဲ့ဆရာ၊ သူတို့မှာ ကုလားထိုင်မရှိလို့ပါ။”

................................................

ရဲစတိုင်း ၏ ဟာသများ

မေမေ မှာထားလို့




“ကောင်းကင်ဘုံကို ရောက်ချင်သလား မေးတော့ ကျောင်းသားအားလုံး လက်ညှိုးထောင်ပြပေမယ့် မင်းက ဘာဖြစ်လို့ လက်ညှိူးမထောင်တာလဲ တိုနီ၊ ကောင်းကင်ဘုံကို မသွားချင်ဘူးလား”

“ဟင့်အင်း၊ မသွားချင်ဘူးဆရာ။ မေမေက မှာထားတယ်။ ကျောင်းလွှတ်ရင် အိမ်ကိုပဲတန်းပြန်လာခဲ့တဲ့”


..............................................................................

ကျွန်တော်တို့ရွာမှာ ကတဲ့ဇာတ်ပွဲ 

*** ဟာသဘဏ်တိုက်…

*** ချစ်မိလေသောအခါ…

“အသုံးမကျလိုက်တဲ့ သမီး၊  ညဉ်းဟိုကောင်လေးကို လက်မထပ်ရဘူး၊

သူ့ဝင်ငွေက တစ်လ ဒေါ်လာ တစ်ရာ လောက်ပဲရတာ၊

နင်တို့ ဘယ်လို စားကြသောက်ကြမှာလဲ”

“အို…ဒါပေမယ့် ဖေဖေရယ်…တစ်ယောက်နဲ့တစ်ယောက်

ချစ်မိကြတဲ့အခါ တစ်လဆိုတဲ့ အချိန်လေးဟာ ခဏနဲ့ ကုန်သွားတာပါပဲ”

*** မလုံမလောက်…

ဆရာဝန် …        “ခင်ဗျား ဒီဆေးကို အစာစားပြီးတိုင်း
                          လက်ဖက်ရည်ဇွန်းနဲ့ လေးဇွန်းသောက်ရမယ်”
လူနာ …              “ဟာ…..ဒါဆိုရင်တော့ ဒုက္ခပဲဆရာ။
                          ကျွန်တော်တို့ တစ်အိမ်လုံးမှာ လက်ဖက်ရည်ဇွန်း
                          နှစ်ချောင်းပဲရှိတယ်”

*** မျက်စိစမ်းသပ်ခန်းမှ ဖြစ်ရပ်…

…လူတစ်ယောက်သည် မျက်စိ အထူးကုဆေးခန်းသို့ သွားကာ
သူ့မျက်စိကို အစစ်ဆေးခံ၏။ မျက်စိဆရာဝန်က ထိုလူကို ထိုင်ခိုင်းပြီး
မျက်စိမြင်နိုင်အားကို စမ်းသပ်သည့် ကဒ်ပြားလေးကို ထောင်ပြ၏။
“ဒီကဒ်ပြားပေါ်က စာတွေကို ဖတ်လို့ရလား” ဟု ဆရာဝန်က မေးသည်။
“မရဘူး ဆရာ” ဟု ထိုလူက ဖြေ၏။
ဆရာဝန်က ရှေ့ကိုတိုးပြီး…
“ အခုဖတ်လို့ ရပြီလား” ဟု ဆို၏။
“မရဘူး ဆရာ”
ဆရာဝန်က ကဒ်ပြားကို ထိုလူနှင့် အနီးဆုံးနေရာသို့ ယူလာပြီး…
“ဒီလောက် နီးနေရင်တော့ ဒီစာတွေကို ခင်ဗျားကောင်းကောင်း ဖတ်လို့ရမှာ သေချာတယ်” ဟုဆို၏။
ထိုလူက… “မရဘူး ဆရာ၊ ကျွန်တော်က စာမှ မတတ်တာ” ဟု ဆိုလေ၏။



*** မှတ်ထားလိုက်လေ…

…ထောင်မှူးသည် အကျဉ်းသားကို တောင်းပန်နေ၏။
“ငါ မင်းကို တောင်းပန်ပါတယ်ကွာ၊ မင်းကို လွှတ်ရမယ့်ရက်ထက်
တစ်လပိုပြီး ချုပ်ထားမိသလို ဖြစ်သွားတယ်”
…အကျဉ်းသားကလည်း ပြုံးရွှင်စွာဖြင့်…
“ရပါတယ် ထောင်မှူးကြီးရယ်၊  ကျွန်တော် နောက်တစ်ခါ
ထောင်ထဲ ရောက်လာရင် တစ်လပြန်နှုတ်လိုက်ပေါ့” ဟု ဆို၏။



*** သရုပ်ဆောင်…


“မင်း သရုပ်ဆောင် တတ်လား” ဟု ထုတ်လုပ်သူက လူငယ်ကို မေး၏။
“သရုပ်ဆောင် ဟုတ်လား၊ တစ်ခါက ပြဇာတ်တစ်ခုမှာ
သေတဲ့အခန်း တစ်ခန်း သရုပ်ဆောင်တာ ပရိတ်သတ်ထဲက
လူတစ်ယောက်ဆို မေ့တောင် မေ့သွားတယ်” ဟု လူငယ်က ဖြေ၏။
“အဲဒီလူက ဘယ်သူလဲ”
“ကျွန်တော့်ရဲ့ အသက်အာမခံ ကုမ္ပဏီဒါရိုက်တာလေ”


*** နားလေးသူ… 
 …လူနှစ်ယောက်သည် ရထားတစ်စင်းပေါ်တွင် မျက်နှာချင်းဆိုင်
ထိုင်ခုံတွေပေါ်မှာ ထိုင်နေကြ၏။
…တစ်ယောက်က…
“ကျုပ်နားတွေဟာ တစ်နေ့ထက်တစ်နေ့ ပိုပြီး အခြေအနေဆိုးလာတယ်ဗျာ။
ဒါပေမယ့် ဒီနေ့လောက် ဆိုးတဲ့နေ့ မကြုံဖူးဘူး၊ ကျုပ် ဒီလောက်အထိ
နားလေးမယ်တောင် မထင်ဘူး၊ အခုဆို ကျုပ်နားတွေ ပင်းသွားပြီတောင်
ထင်တယ်ဗျာ၊ အခုပဲ ကြည့်လေ…။ ခင်ဗျား ကျုပ်ကို စကားပြောနေတာ
နာရီဝက်လောက် ရှိနေပြီ၊ ကျုပ်နားက ဘာသံမှ မကြားရတော့ဘူး” ဟု ၀မ်းနည်းစွာ ဆို၏။
…ထိုအခါ ကျန်တစ်ယောက်က…“ကျုပ်လည်း ဘာမှ မပြောမိပါလားဗျာ၊ ပျင်းလို့ ပီကေ ၀ါးနေတာပါ” ဟု ဆို၏။

*** ရွှေဥာဏ်တော်စူးပါပေ့…



ဆရာ…“ဂျော့ဝါရှင်တန်ဟာ သူ့အဖေစိုက်ထားတဲ့ ချယ်ရီပင်ကို ပုဆိန်နဲ့
ခုတ်လှဲပစ်ခဲ့တယ်၊ ဒါပေမယ့် သူခုတ်လှဲတာဖြစ်ကြောင်း သူ့အဖေကို
မကွယ်မ၀ှက် ၀န်ခံခဲ့တယ်၊ ကဲ…တပည့်တို့၊ သူ့အဖေက ဘာကြောင့်
သူ့ကို အပြစ်မတင်တာလဲကွယ်”
ဝီလျမ်…“ဂျော့ဝါရှင်တန် လက်ထဲမှ ပုဆိန်ကြီးရှိနေလို့ပါ ဆရာ”



*** နည်းတောင်နည်းသေး…
 




“ဟေ့ကောင်…မနေ့ညက မင်းရဲ့အဖေကားကို ငါတို့ ယူမောင်းတာနဲ့
ပတ်သက်ပြီး သူက ငါတို့အားလုံးကို ဘာကြောင့် ဒေါကန်နေရတာလဲကွ”
“ဒေါကန်တာ နည်းတောင်နည်းသေးတယ်၊ ငါတို့ မနေ့က
ကားနဲ့ ပွတ်ဆွဲမိသွားတဲ့ အဘိုးကြီးဟာ ငါ့အဖေပဲကွ”





*** လျှောက်လဲချက်…


တရားသူကြီး…  “ကဲ…မစ္စဘရောင်… ရုံးတော်ကို အမှန်အတိုင်း ၀န်ခံပါ။
                    ခင်ဗျားဟာ ဘာကြောင့် ခင်ပွန်းဖြစ်သူကို မြှားနဲ့ ပစ်ရတာလဲ”
တရားခံ…       “ကလေးတွေ အိပ်ရာက နိုးကုန်မှာစိုးလို့ သေနတ်ကို
                    မသုံးမိတာပါ တရားသူကြီးရှင့်”




*** သေချာပြီ…



…အိမ်တံခါးကို လာခေါက်သံကြောင့် မစ္စဖာဖာက တံခါးဖွင့်လိုက်ရာ
လူငယ်လေးတစ်ယောက်က တံခါးဝမှာ ရပ်လျက်…
“ဒေါ်ဒေါ်က မုဆိုးမကြီးဖာဖာ ပါလားခင်ဗျာ”
“အေး…ဒေါ်ဒေါ်နာမည်က မစ္စဖာဖာပါပဲ၊ ဒါပေမယ့် မုဆိုးမတော့ မဟုတ်ဘူးကွဲ့”
“ဒါဆိုတော့ ဒေါ်ဒေါ်မုဆိုးမဖြစ်တာ သေချာပြီ။ အခုမစ္စတာဖာဖာရဲ့ အလောင်းကို
ကျွန်တော်တို့လာပို့တာပါ”


*** ပြဿနာမရှိပါ…

ဒါရိုက်တာ …    “မင်းသား…ဒီအခန်းက ဟောဒီ ချောက်ကမ်းပါးကနေ
                        ခုန်ချရမယ့် အခန်းပဲ”
မင်းသား …    “စဉ်းစဉ်းစားစား လုပ်ပါဦး…ဒါရိုက်တာကြီးရယ်…
                      မတော်တဆ ကျိုးပဲ့ပြီး ကျုပ်သေသွားရင်
                     ဘယ်လိုလုပ်မလဲ”
ဒါရိုက်တာ …    “ပြဿနာမရှိဘူး မင်းသား… ခုန်သာချလိုက်၊
                        ဒီအခန်းက နောက်ဆုံးခန်းပဲ”



*** ပုံမှန်…

ဧည့်သည်       …      “ဒီမင်းသမီးက…ဒီဟိုတယ်ကို မကြာခဏ
                               လာတတ်သလား”
ဟိုတယ်စာရေး …    “ဟုတ်ကဲ့…သူ ပျားရည်ဆမ်း ခရီးထွက်တိုင်း
                               လာပါတယ်ခင်ဗျ”



*** သူ့အကြံ…

…ဟောလိဝုဒ် ဇာတ်ရံနှစ်ယောက်သည် ဘားဆိုင်တစ်ဆိုင်မှာ ထိုင်ပြီး
အရက်သောက်နေရာ….
တစ်ယောက်က
“ငါပြန်မှ ဖြစ်မယ်ကွာ၊ ငါ့သွားတွေ အရမ်းကိုက်နေတယ်၊ သွား ဆရာဝန်ဆီသွားပြီး…
ဆေးထည့်ခိုင်းမယ်၊ နုတ်သင့်လည်း နုတ်ခိုင်းရတော့မှာပဲ”
…ကျန်တစ်ယောက်က…
“အဓိပ္ပါယ်မရှိတာကွာ၊ မနေ့ကဆို…ငါလည်း သွားကိုက်တာပဲ၊ ဒါနဲ့
ငါအိမ်ပြန်ပြေးပြီး ငါ့မိန်းမကို မွှေးမွှေးပေးပစ်လိုက်တာ… တစ်ခါထဲ
သွားကိုက်တာပါ ပျောက်သွားရော၊ မင်းလည်း ငါ့လို လုပ်ကြည့်ပေါ့”
“မင်းအကြံ ကောင်းတယ်ကွာ၊  မင်းမိန်းမဆီ ဖုန်းဆက်ထားပေးကွာ…
ငါ အခုချက်ချင်း လာခဲ့မယ်လို့ ပြောလိုက်”.

ရဲစတိုင်း ၏ ဟာသများ

၁။လူ မသေသေးပေမယ့်

“ခင်ဗျားယောကျာ်းရဲ့ အသက်အာမခံငွေကို ထုတ်ယူလို့မရပါဘူးဗျား။ သူဟာ အခုထက်ထိ သက်ရှိထင်ရှား ရှိနေပါသေးတယ်”
“ကျွန်မ သိပါတယ်။ ဒါပေမယ့် သူဟာ ဘ၀ သေနေပြီရှင်”




............................................

၂။အယူမသီးသူ

“မင်းမှာ လုပ်ငန်းအတွေ့အကြုံ ဘာတွေရှိလဲ”
“ကျွန်တော်က အခုမှကျောင်းပြီးခဲ့တာပါ”
“ဘယ်လိုအလုပ်မျိုးကို လုပ်ချင်တာလဲကွ”
“လုပ်ပိုင်ခွင့်ရှိတဲ့ ဒု-ဥက္ကဋ္ဌလို ရာထူးမျိုးပေ့ါ ခင်ဗျာ”
“ငါတို့ကုမ္ပဏီတွေမှာ ဒု-ဥက္ကဋ္ဌတွေ ဆယ့်နှစ်ယောက်တောင်ရှိတယ်”
“ရပါတယ်။ ကျွန်တော်က ဆယ့်သုံးယောက်မြောက်ဆိုလည်း အယူမသီးပါဘူး”
...........................



၃။ကျင့်သားရပြီးလို့

“ခင်ဗျားရဲ့ကုမ္ပဏီမှာ လူပျိုတွေ မခန့်ဘဲ ဘာဖြစ်လို့ အိမ်ထောင်သည်အမျိုးသားတွေကို ခန့်ရတာလဲ”
“သူတို့က ငါဘယ်လောက်ဆူဆူ မဖြုံတော့ဘူး။ ကျင့်သားရပြီးလို့လေ”

၎။အလုပ်ကြမ်းနဲ့ သင့်တော်သူ
“ဒီတစ်သက် ကြမ်းတမ်းတဲ့အလုပ်နဲ့ သင့်တော် သူလို့ မင်းကိုယ်မင်း ထင်တယ်ပေ့ါလေ”
“ဟုတ်ကဲ့၊ မြို့နယ်တရားရုံးကတော့ အဲ့သလို ထင်ခဲ့ဖူးပါတယ်”

...........................................



၅။ကြော်ငြာအစွမ်း

“ခင်ဗျားတို့ဂျာနယ်ထဲ ကြော်ငြာထည့်လိုက်တာ အတော်ထိရောက်တာပဲ”
“ဘာလဲ ရောင်းအားမြင့်တက်လာလို့လား”
“ဟင့်အင်း၊ ဂိုဒေါင်စောင့်တစ်ဦး အလိုရှိသည် လို့ ကြော်ငြာလိုက်တာ အဲ့ဒီညမှာပဲ ဂိုဒေါင် အဖောက်ခံလိုက်ရတယ်”




................................

၆။မှားရက်ပါပေ့ကွယ်


“ရော့..ဒီမှာ ခင်ဗျားတို့ဆိုင်က ငှားသွားတဲ့စာအုပ်၊ တော်တော်ညံ့ပ့ါဗျား။ ဇာတ်ကောင်တွေ အများကြီး ပါပေမယ့် ဇာတ်လမ်းလုံးဝမရှိဘူး”
“သြော်.. ကျွန်မတို့ဆိုင်က တယ်လီဖုန်းလမ်းညွှန်စာအုပ်ပျောက်လို့ ရှာနေတာ လက်စသတ်တော့ ရှင်ယူသွားတာကိုး”
.......................


၇။နားထောင်သူများ



ယောကျာ်းနှင့်မိန်းမတို့ အိမ်ထောင်ပြုကြသောအခါ ပထမနှစ်တွင် ခင်ပွန်းပြောသမျှကို ဇနီးက နားထောင်ရသည်။ ဒုတိယနှစ်တွင် ဇနီးပြောသမျှကို ခင်ပွန်းက နားထောင်ရသည်။ တတိယနှစ်တွင် ဇနီးမောင်နှံပြောသမျှကို ရပ်ကွက်လူကြီးမှ နားထောင်ပေးရလေသည်။




.......................................

၈။လွဲနိုင်ပါပေ့
နီဂရိုစစ်သားတစ်ဦးသည် ပစ်မှတ်ကို တစ်ချက်မှ မထိသဖြင့် တပ်စုမှူးမှ ဒေါသထွက်လာပြီး ခြုံကွယ်ထဲဝင်၍ ကိုယ့်ကိုယ်ကို ပစ်သတ်သေရန် အမိန့်ပေးလိုက်သည်။
ခြုံပုတ်ထဲမှာ သေနတ်သံတစ်ချက် ထွက်လာပြီး မကြာမီ တပ်စုမှူးက ခြုံပုတ်ကို သွားကြည့်ရာ နီဂရိုးစစ်သားကို စပ်ဖြဲဖြဲတွေ့လိုက်ရလေ၏။
“အဟီး - ဒီတချက်လည်း လွဲသွားပြန်ပြီ ဗိုလ်ကြီးရေ”


 

ကြွားဝါတတ်သော အမေရိကန်လူမျိုးတယောက်သည် လန်ဒန်ကိုရောက်ခိုက် တက္ကဆီငှား၍ လျှောက်လည်လိုက်သည်။
“ဒီဟာက လန်ဒန်မျှော်စင်ပါခင်ဗျား”
“ဒီအဆောက်အဦးက ဘုရင်မကြီးနေတဲ့ ဘက်ကင်ဟမ်နန်းတော်ပါခင်ဗျား”
“ဒီနန်းတော်လောက်တော့ ငါတို့ အမေရိကန်မှာ တစ်ပတ်နဲ့ ဆောက်လို့ရတယ်”
သူတို့ကားသည် ၀က်မင်စတာ ဘုရားရှိခိုးကျောင်းဘေးမှ ဖြတ်သွားစဉ် တိုးရစ်က မေးလိုက်သည်။
“ဒါက ဘာအဆောက်အဦးကြီးလဲကွ”
“ကျွန်တော် မသိဘူးဆရာ၊ ဒီမနက်အထိတော့ ဒီမှာမရှိသေးဘူးဗျ”
................................................

ဆုတောင်းရခြင်းအကြောင်း



ဘိုနူးသည် ညအိပ်ရာဝင်နီး တတွတ်တွတ် ဆုတောင်းနေသည်။
“နေပယ်မြို့ဟာ အီတလီနိုင်ငံရဲ့ မြို့တော်ဖြစ်ပါစေ။ နေပယ်မြို့ဟာ အီတလီနိုင်ငံရဲ့ မြို့တော်ဖြစ်ပါစေ။”
“ဘာဖြစ်လို့ နေပယ်မြို့ကို အီတလီနိုင်ငံရဲ့မြို့တော် ဖြစ်စေချင်တာလဲ ဘိုနူး”
“ဒီလိုပါ မေမေ၊ စာမေးပွဲအဖြေလွှာထဲ အဲ့ဒီလို ဖြေခဲမိလို့ပါ”

...........................................................
သန်းကြွယ်သူဌေး



“မင်းဝယ်ဖတ်တဲ့ သန်းကြွယ်သူဌေးဖြစ်နည်းစာအုပ် ငါ့ကို ခဏငှားဖတ်ကွာ”
“ရတယ် ရော့-ဒီမှာ”
“ဟင် မင်းစာအုပ်က စာမျက်နှာတစ်ဝက်ပဲ ရှိတော့ပါလားကွ”
“အေးလေ ဘာဖြစ်လို့လဲ သန်းတစ်ဝက်လောက်ပဲ ချမ်းသာရင် မင်း မကျေနပ်နိုင်ဘူးလား”

....................................................................
တိရစ္ဆာန်မှတ်လို့



“အမေက ရှင့်ကို အတော်စိတ်ဆိုးနေတယ်။ သူနေမကောင်းတာကို တိရစ္ဆာန်ဆေးကုဆရာဝန်နဲ့ ပြပေးလို့တဲ့”
“ဟင် မင်းပြောတော့ မင်းအမေနာမည်က ခွေးမဆိုကွ”
“အဲ့ဒါ အမေ့ရဲ့ ငယ်နာမည်ရှင့်”

.......................................................


အနာဂတ်ကို မြင်ရသူ




“ကျွန်တော်ဟာ အနာဂတ်ကို တွေ့နေရသလို ခံစားရတယ် ဒေါက်တာ”
“ဘယ်တုန်းက စဖြစ်တာလဲ”
“နောက်လာမယ့် အပတ်ကျမှ ဖြစ်မှာပါ”

....................................................

သူ့ဆုတောင်း
အိုင်ယာလန်နိုင်ငံရှိ ဆုတောင်းပြည့်ရေတွင်းကြီးသို့ လူလတ်ပိုင်းအရွယ် စုံတွဲနှင့် မိတ်ဆွေတစ်ယောက်တို့ ရောက်ရှိလာကြသည်။
ခင်ပွန်းသည်က အကြွေတစ်စေ့ကို တွင်းထဲပစ်ချပြီး ငြိမ်သက်စွာအာရုံပြုဆုတောင်းနေသည်။ ဇနီးသည်ကလည်း သူ့ခင်ပွန်းကဲ့သို့ ပြုလုပ်လိုက်သည်။ သို့သော် အကြွေစေ့ပစ်ချစဉ် အရှိန်လွန် ခြေချော်ကာ တွင်းထဲလိမ့်ကျသွားသည်။
လောလောလတ်လတ် မုဆိုးဖိုဖြစ်သွားသည့် ခင်ပွန်းဖြစ်သူက သူ့မိတ်ဆွေကို လှည့်ပြောလိုက်သည်။
“ချက်ချင်းဆုတောင်းပြည့်တာ အံ့စရာပဲဗျား”

............................................................
ဆင်းရဲသားကား



ဗွီဒီယိုရိုက်ကူးထုတ်လုပ်သူက ဆင်ဆာဘုတ် အဖွဲ့ကို အသနားခံလိုက်သည်။
“ဆရာသမားတို့ရယ်၊ ဒီဇာတ်ကားက စရိတ်နည်းနည်းနဲ့ အလုပ်ဖြစ်ရုံပဲ ရိုက်ကူးခဲ့ရတာပါ။ သရုပ်ဆောင်တွေအတွက် အ၀တ်အစားဖိုးတောင် အကုန်အကျ မခံနိုင်ခဲ့ပါဘူး”



......................................................................

ကယ်ခဲ့ပေမယ့်



မစ္စတာတီသည် သူ့ခေတ်သူ့အခါက အလွန်ထင်ပေါ်ကျော်ကြားသူဖြစ်သည်။ တစ်ခါက မီးလောင်နေသော အဆောက်အဦးထဲဝင်ရောက်၍ လူလေးဦးကို ကယ်ထုတ်ပေးခဲ့သည်။
သို့သော် ကံအကြောင်းမလှစွာဖြင့် ထိုသူလေးယောက်စလုံးမှာ မီးသတ်သမားများချည်း ဖြစ်နေကြလေသည်။


..................................................................

ထမင်းပို့နည်း
မနက်ခင်းတစ်ခု၌ အသက်ကြီးကြီး အဒေါ်တစ်ယောက် အထုပ်ငယ်တစ်ခုကို ကိုင်၍ လိုက်ပါလာသည်။
ကားမှတ်တိုင်တစ်ခုတွင် ထိုမိန်းမကြီး ဆင်းမည်ပြုသောအခါ အထုပ်ငယ်ကျန်ရစ်ခဲ့သဖြင့် ကျွန်တော်က သတိပေးလိုက်သည်။
“အဒေါ်ကြီး ဒီမှာ အထုပ်ကျန်ရစ်ခဲ့တယ်”
“ထားလိုက်ပါ ငါ့တူရယ်၊ ဒီအထုပ်က အဒေါ့် ယောကျာ်းရဲ့ ထမင်းထုပ်ပါ။ သူက မေ့ကျန်ပစ္စည်း လက်ခံတဲ့ဌာနမှာ လုပ်တယ်ကွဲ့”

........................................

ကြည့်ရှင်းသွားလိမ့်မယ်



“ဟေ့ဝိတ်တာ၊ ငါ့လက်ဖက်ရည်ခွက်ထဲမှာ ယင်ကောင်ကြီးနဲ့”
“ဘာမှမပူနဲ့၊ လူကြီးမင်းရဲ့ ပေါင်မုန့်ယိုသုတ်ပေါ်မှာရှိတဲ့ ပင့်ကူက ကြည့်ရှင်းသွားလိမ့်မယ်”




.................................................

ပျော်ရွှင်စွာ ပြုံးလိုက်ကြဦးစို့

လက်ဖွဲ့လက်ဆောင်
မင်္ဂလာဆောင်လက်ဖွဲ့အဖြစ်.....
ယောက္ခမကြီးက နပန်းသတ်ပုတ်နည်းစာအုပ်နှင့် ဒဏ်ကြေဆေး သုံးပုလင်းအားလက်ဖွဲ့ခဲ့သည်။
ကျွန်တော့်အဖေကတော့ မေတ္တာသုတ်စာအုပ်နှင့် ကွာရှင်းပြတ်စဲနည်း၊ ဥပဒေကျမ်းတစ်
စောင်လက်ဖွဲ့ခဲ့သည်။  အမေကတော့ ချက်နည်းပြုတ်နည်းပေါင်းတစ်ထောင်နှင့်” နင်လားဟဲ့လောကဓံ”

ဆိုသည့်စာအုပ်ကိုလက်ဖွဲ့သည်။။

...........................
    
 ကတ်ဖဲ့ဆစ်တဲ့ဖိုးထောင်

ဘုန်းကြီး- ရေအကျိုးဆယ်ပါး မတောင်းပဲပြည့်တယ်တဲ့။
ဖိုးထောင်- အကြွင်းမဲ့ ပြောဆိုတာမျိုး မဖြစ်နိုင်ပါဘူး။
ဘုန်းကြီး- ဘာလို့လဲဒကာရဲ့
ဖိုးထောင်- ဒီခေတ်မှာ နွားနို့ကုလား၊ ကြက်သားသည် နဲ့အရက်ရောင်းတဲ့သူတွေကို ချန်ပြီးပြောတာနေ
              မှာပါ။
  

    

................................................

နှစ်ပါးသွားလေး ကရအောင်

 ဘတ်စ်ကားပေါ်အတက်။
ကျပ်သိပ်ရသည့်အထဲ၊ စပါယ်ရာက အထဲသို့ အတင်းတိုးခိုင်းနေသည်။
     ”အထဲမှာ ၀ါသနာပါရင် နှစ်ပါးသွား ဖင်ထောင်ကလို့ ရတယ်ဗျာ တိုးကြစမ်းပါ၊  အချောင်ကြီးပဲ”။ လူကြီးတစ်ယောက်က မခံချင်ဖြစ်လာကာ
  ”အဲဒါဆို နောက်နေ့ မင်းဂျီးဒေါ်ကို ပါခေါ်လာခဲ့၊ ငါလဲဇာတ်ခေါင်း
ကွဲလာတာနဲ့ အတော်ပဲ နှစ်ပါးသွားလေး ကရအောင်လေ”။ ဟုပြောရာ စပယ်ရာ ပါးစပ်တိတ်သွား၏။

သက်သေ
အတန်းထဲတွင်ဖြစ်သည်။ ဆရာမက မေးသည်။
“ငါးလိပ်ကျောက်ဟာ ဘာဖြစ်လို့  ပြားပြားကြီး ဖြစ်နေရတာလဲ”
ပီတာလေးက လက်ညှိုးထောင်ပြီး ဖြေသည်။
“ဝေလငါးနဲ့ အိပ်လို့”
“ပီတာ၊ အခန်းထဲက ချက်ချင်း ထွက်သွားစမ်း”
ဤသို့ အမိန့်ပေးပြီး ဆရာမက ဆက်မေးသည်။
“ကျောက်ပုစွန်ရဲ့ မျက်လုံးတွေ ဘာဖြစ်လို့ ပြူးထွက်နေရတာလဲ၊ ဘယ်သူ သိကြသလဲကွယ်”
ပီတာလေးက နောက်ပြန်လှည့်ပြီး အော်ပြောသည်။
“ဒါတွေအားလုံးကို သူမြင်မိလိုက်လို့”
 ................................................

ဈေးလျှော့ယူခြင်း

လူငယ်တစ်ယောက် မိမိအပ်ထားသော ဖိနပ်ကို လာရွေးသည်။
ဖိနပ်ပြင်သမားကပြောသည်။
“ပြင်ခ ၂၀၀ ကျပါတယ်”
“နည်းလှချည်လား၊ ကျွန်တော်လာအပ်တုန်းက လေးရာကျမယ်ဆို”
“ခင်ဗျား ဖိနပ်တစ်ဖက် ပျောက်သွားလို့ပါ”

....................................................................

လူစကား
လူစကားပြောတတ်သော ကြက်တူရွေးကြီးကို မိန်းမကြီး ၀ယ်လာသည်။အိမ်ရောက်ရောက်ချင်း ကြက်တူရွေးကို ပြောသည်။
“ငါပြောတဲ့အတိုင်း လိုက်ပြောစမ်း၊ ကျွန်ုပ်သည် လူဖြစ်သည်။ လူစကားပြောတတ်သည်လို့”
ကြက်တူရွေးက အံ့သြတကြီး ပြန်မေးသည်။
“ အလိုလေး..ခင်ဗျားကလည်း လူစကား ပြောတတ်တယ်..ဟုတ်လား”

ရယ်မောခြင်းနဲ့ စတင်နိုင်ပါစေဗျာ

သူ့နေရာသူပြန်သွား

" ဟောဒီခွက်ထဲက ကျောက်ခဲလေးတွေဘယ်ရောက်ကုန်ပြီလဲ "
" ဪ ..... အဲဒါကျောက်တုံးလေးတွေလား၊ ကျွန်တော်ကသောက်ရမယ့်ဆေးမှတ်လို့ခုနကပဲသောက်လိုက်မိပြီ ဆရာမ "
" ဟောတော် ဒုက္ခပါပဲ။ အဲဒါရှင်သတိရလာရင် ပြဖို့ထားတာ။ ရှင့်ဆီးအိမ်ထဲကခွဲထုတ်ထားတဲ့ဟာတွေရှင့် "




...........................
မေးမှသိတယ်

" မင်းတို့လင်မယား ပြန်ပေါင်းထုပ်သွားကြပြီလို့ကြားရတာ ၀မ်းသာတယ်ကွာ၊နေ့ခင်းတုန်းကတောင် မင်းတို့အိမ်ရှေ့က ဖြတ်လျှောက်တော့ မင်းတို့လင်မယားနှစ်ယောက် ထင်းတွေအတူတူခွဲနေကြတာ တွေ့မိသေးတယ်ကွာ "
" ထင်းမဟုတ်ဘူး သူငယ်ချင်းရဲ့ ၊ အိမ်ထောင်ပရိဘောဂတွေ "





........................

ပြောချင်တာကဒီလိုပါ

" မင်းဟာကားကို တစ်နာရီမိုင်တစ်ရာနှုန်းလောက်နဲ့ မောင်းလာတယ် ။
ပြီးတော့ညအမှောင်ထဲ ကားရှေ့မီးကို ဖွင့်မမောင်းဘူး ။ လမ်းလည်းမှားလာတယ် ။
ယာဉ်မောင်းလိုင်စင်လည်း မပါဘူး ။ ကိုင်း .....
ဒီလောက်တောင်အပြစ်တွေများတာ ဘာပြောချင်သေးလဲ "
" ကျွန်တော်ပြောချင်တာက ကျွန်တော့်မှာအပြစ်တစ်ခုပဲ ရှိပါတယ် ။ အဲဒါကတော့ဒီကားကို ခိုးလာတာပါပဲ "



......................................
ဘယ်သူမှမပြောနဲ့နော်

" ဓူဝံကြယ်ဆိုတာ ဘယ်ဟာလဲဟင်ဘိုးဘိုး "
" ဟိုး ..... တောင်ဘက်က ကြယ်နီနီကြီးဟာ ဓူဝံကြယ်ပေါ့ မြေးရဲ့ "
" ဟင် ..... ကျောင်းမှာ ဆရာမကပြောတော့ ဓူဝံကြယ်ဟာ မြောက်အရပ်မှာရှိတယ်ဆို "
" ရှူး ..... ဘယ်သူမှ လျှောက်မပြောလေနဲ့ ၊ ဓူဝံကြယ်တောင်ဘက်ကိုပြောင်းသွားတာတစ်ပတ်လောက်ပဲရှိသေးတယ် မြေးရဲ့ "



.............................................
စနစ်တကျအသုံးပြုနည်း

" မနက်က၀ယ်သွားတဲ့ ယပ်တောင်က တစ်ခါနှစ်ခါပဲခတ်ရသေးတယ် စုတ်သွားပြီ ၊ဘယ်လိုဖြစ်တာရတာလဲ "
" အသုံးပြုပုံမှားလို့ဖြစ်ပါလိမ့်မယ် ၊ ကျွန်တော်တို့ရောင်းတဲ့ယပ်တောင်ဟာ လက်နဲ့ငြိမ်ငြိမ်လေးကိုင်ထားပြီး ခပ်စေချင်တဲ့အရာဝတ္တုကို
ယပ်တောင်ရှေ့မှာ ဟိုဖက်ဒီဖက် ခပ်မြန်မြန်လှည့်ပေးရပါတယ်ခင်ဗျား "



..............................
နားလေးသူမို့ပါ

" ခုနက စတိတ်ရှိုးပေါ်မှာ အသံပြဲကြီးနဲ့ ဟဲဗီးသီချင်းဆိုသွားတာ ခင်ဗျားမဟုတ်လား "
" ဟုတ်ပါတယ် ၊ ကျွန်တော်က တက်သစ်စဟဲဗီးအဆိုတော်ပါ "
" ဒါဆိုတစ်ဆိတ် ကူညီစမ်းပါ ။ ပွဲခင်းထဲမှာ ကျုပ်မိန်းမနဲ့
လူချင်းကွဲသွားလို့ ခပ်ကျယ်ကျယ်အော်ပေးစမ်းပါ ။ သူက နားနည်းနည်းလေးတယ် "







...........................
ဟိုတစ်မျိုး ဒီတစ်မျိုး

" မောင်မင်းအနေနဲ့ ဘာပြောချင်သေးလဲ "
" ကျွန်တော်မျိုး ဘာပြောရတော့မှာလဲ တရားသူကြီးမင်းခင်ဗျာ ။ သူ့အခန်းထဲဝင်ခိုးတုန်းက တရားလိုဟာ အိပ်မောကျနေတာပါ ။ အခုကျတော့ သူ့အိမ်ထဲဝင်ခိုးတာသေသေချာချာမြင်ပါတယ်လို့ ထွက်ဆိုနေပါတယ် "





..............................

မေမေ့တာဝန်ထားလိုက်

" ဒီလူနဲ့သမီးလက်မထပ်ချင်ဘူးမေမေ ၊ သူနဲ့သမီးနဲ့ အယူအဆချင်း မတူကြဘူး ။ သူကငရဲရှိတယ်ဆိုတာကို မယုံဘူးလို့အကြောက်အကန်ပြောတယ် မေမေရဲ့ "
" လက်ထပ်မှာသာ ထပ်လိုက်ပါသမီးရယ် ၊ ငရဲတကယ်ရှိကြောင်း သိအောင်လုပ်ဖို့ မေမေ့တာဝန်ထားလိုက်စမ်းပါ "

ကမ္ဘာသစ် ၂ နှစ်ပြည့် ဟာသလက်ဆောင်

၁)
‘‘ သဘာဝ လောကကြီး ကို တည်နေအောင် ပေါင်းစပ်ဖွဲ့စည်း ထားတဲ့ ဓာတ်ကြီး လေပါးကို
ပြောစမ်း။’’
‘‘ မြေ-လေ-မီး...ပြီးတော့...ပြီးေ
တာ့...’’
‘‘ မင်းလက်ကို သန်ရှင်းအောင် ဘာကိုသုံးရသလဲ။’’
‘‘ ဆပ်ပြာပါ ဆရာ ’’
..............

၂)
ရောမမြို့ကြီးတည်ဆောက်ချိန်

‘‘ ရောမမြို့ကြီးကို ဘယ်အချိန်မှာတည်ဆောက်ခဲ့တာလဲ။’’
‘‘ ညမှာပါ’’
‘‘ ဘာလို့ ညလို့ ပြောရတာလဲ’’
‘‘ ဆရာပဲပြောတယ်လေ။ ’’
‘‘ ရောမမြို့ကြီးကို တစ်နေ့တည်း နှင့် မတည်ဆောက်နိုင်ဘူးလို့’’
..........................
၃) ရူပဗေဒ

‘‘ မိုးချိန်းရင် လျှပ်စီးလျှပ်တာကို အရင်မြင်ရ ပြီး အသံကိုနောက်မှ ကြားရတာ
ဘာလို့လဲ။’’
‘‘ မျက်စိက နားထက်ရှေ့နည်းနည်း ပိုရောက်နေလို့ခင်ဗျ။’’



.......

၎) ဆက်သွယ်လိုလျှင်

‘‘ ခရစ်တိုဖာကိုလံဘတ်ရဲ့ နောက်မှာ (၁၄၅၁-၁၅၆၀) ဆိုပြီးရေးထားပါတယ်။

အဲဒီဂဏန်းတွေရဲ့အဓိပ္ပါယ်ကိုသိရဲ့လား။’’

‘‘ ကိုလံဘတ်ရဲ့ တယ်လီဖုန်းနံပါတ်ပါ ဆရာ။’’



.....................
၅) ကျွန်တော့်အဖေပါ



မောင်မောင်က ကျောင်းအုပ်ဆရာကြီးဆီကို ဖုန်းဆက်ပြီး-

‘‘ ကျွန်တော့်သားကိုခွင့်ပေးဖို့ ခွင့်တိုင်တာပါ။’’
‘‘ ခု ဖုန်းဆက်တာဘယ်သူလဲ’’
‘‘ ကျွန်...ကျွန်..ကျွန်တော့် အဖေပါ ဆရာကြီး။’’





..............................................

၆) မှန်ပေမယ့် မှားတယ်




‘‘စိတ္တဇနာမ် ဆိုတာဘာလဲ။’’
‘‘ မသိဘူးဆရာ။’’
‘‘ ထိလို့ကိုင်လို့ မရတဲ့အရာ အမည်ပေါ့။’’
‘‘သိပါပြီဆရာ။ မီးဖိုပေါ်က ထမင်းအိုးပါ။’’


......................
၇) မှန်တော့မှန်ပါရဲ့




‘‘ နာမ် ’’တစ်ခုကိုပြောပါ။
‘‘ နွား ’’ ပါဆရာ။
‘‘ မှန်တယ်၊ ကဲ...နောက်တစ်ယောက်ပြောပါဦး။’’
‘‘ နောက်ထပ်နွားတစ်ကောင်ပါခင်ဗျ။’’



...........................

၈) စီအေတီ




‘‘ CAT ကတ်ရဲ့ အဓိပ္ပါယ်ကို သိရဲ့လား။’’
‘‘ မသိဘူးခင်ဗျ။’’
‘‘ မင်းအိမ်မှာကြွက်တွေကို ဘယ်သူဖမ်းတာလဲ။’’
‘‘ အမေထောင်ခြောက်ထောင်ပြီးဖမ်းပါတယ်။’’



.....................
၉) အမေးနှင့် အမေး


‘‘ မင်းအမြဲ သင်္ဘောစီး ခရီးသွားနေပြီး ခုထိရေမကူးတတ်သေးဘူးလား။’
‘‘ ခင်ဗျားရော အမြဲလေယာဉ်ပျံစီး ခရီးသွားနေပြီး ခုထိ မပျံတတ်သေးဘူးလား။’’




...................
၁၀) သတိပေးနေလို့

‘‘ မင်းကဘာလို့ ကျောင်းအမြဲ နောက်ကျနေရတာလဲ။’’
‘‘ လမ်းထောင့် ရောက်တိုင်း သတိပေး ဆိုင်းဘုတ်ကိုတွေ့နေလို့ပါ။ ’’
‘‘ ကျောင်းရှိသည်ဖြေးဖြေး’’တဲ့။





--------------------------------------------------

ဂျော်နီလေးရဲ့ဟာသများ…

*** လက်တွေ့အသုံးချပညာ…

…မုန့်မှာထားသော အိမ်တစ်အိမ်ကို ဂျော်နီ ပီဇာမုန့်သွားပို့ရတယ်၊
“ဘောက်ဆူး ဘယ်လောက်ပေးရမလဲ” မုန့်လက်ခံတဲ့လူကြီးက အသံခပ်အစ်အစ်နဲ့ မေးတယ်။
“ကျွန်တော်က အခုမှ ပထမဆုံးအကြိမ် အိမ်ကို ပို့ပေးဖူးတာပါ၊ ဟိုကောင်တွေကတော့ ဦးလေးဆီက ငွေတစ်မတ် ဆုကြေးရရင် မင်းသိပ်တော်လို့ပဲလို့ ပြောလိုက်တယ်” ဂျော်နီက ခပ်ရို့ရို့ ပြန်ဖြေတယ်။
“ဟုတ်သလား၊ အခု ငါက မင်းကို ငါးဒေါ်လာ “တစ်” ပေးလိုက်မယ်ကွာ”
“ကျေးဇူးတင်ပါတယ်ခင်ဗျာ၊ ဒီပိုက်ဆံကို ကျွန်တော်တို့အဖွဲ့ရဲ့ စုငွေထဲကို ထည့်လိုက်ပါ့မယ်”
“ဒါနဲ့ ငါ့တူက ကျောင်းမှာ ဘာတွေ သင်နေသလဲ” လူကြီးက စပ်စုတယ်။
“အသုံးချစိတ်ပညာပါ” ဖြေပြီးတာနဲ့ ဂျော်နီ လှည့်ပြန်လာခဲ့တယ်။


*** အရှည်ဆုံးမြစ်…

…ဆရာက ပထ၀ီဘာသာသင်နေတယ်၊ သူက မြစ်ကြီးတွေအကြောင်း ရှင်းပြနေရင်း အခုလို မေးတယ်။

“ကမ္ဘာမှာ အရှည်ဆုံးမြစ်ကို သိသလား ဂျော်နီ”

“ဆရာ မသိရင် ကျွန်တော်စာအုပ်ထဲမှာ ရှာပေးမယ်လေ” ဂျော်နီက ခပ်တည်တည်ပဲ ထဖြေတယ်။ 

*** အလောင်းအစား…
…ဂျော်နီ ကျောင်းအသစ်မှာ ကျောင်းတက်ရမှာမို့ သူ့ဖေဖေက ဆရာမကို လိုက်အပ်တယ်။ သားက အလောင်းအစား အလွန်ဝါသနာပါတဲ့အကြောင်းလည်း ဆရာမကို သူက သတိပေးတယ်။ ဆရာမက ကိစ္စမရှိပါဘူး၊ ဒီထက်မကဆိုးတဲ့ ကျောင်းသားတွေကိုတောင် သူကိုင်တွယ်နိုင်ပါတယ်ဆိုပြီး စိတ်ချလက်ချ ထားခဲ့ဖို့ပြောတယ်။
…ညနေကျောင်းဆင်းချိန်ကျတော့ သူ့ဖေဖေက ဂျော်နီကို လာကြိုရင်း အခြေအနေ ဘယ်လိုရှိသလဲလို့ သူ့ဆရာမကို မေးတယ်။
“ကျွန်မ သူ့အလောင်းအစား ၀ါသနာကို ရိုက်ချိုးပစ်လိုက်ပြီ” ဆရာမက ပြောတယ်။ “သူက ကျွန်မတင်ပါးမှာ မှဲ့ကြီးတစ်လုံးရှိတယ်လို့ ငါးဒေါ်လာကြေး အလောင်းအစား ထပ်လာတယ်။ ခုတော့ သူ ရှုံးသွားပြီလေ”
“တောက်…ဒီကောင်ကွာ” ဂျော်နီ့ဖေဖေ အတော် ဒေါကန်သွားပုံရတယ်။
“ဘာဖြစ်လို့လဲရှင့်” ဆရာမ မျက်စိလည်သွားတယ်။
“မနက်က ဒီကောင် ကျုပ်နဲ့  ဒေါ်လာတစ်ရာကြေး အလောင်းအစား လုပ်သွားတယ်လေ။ ဒီနေ့ ဆရာမ တင်ပါးကို သူရအောင် ကြည့်ခဲ့မယ်တဲ့”

*** ဗိုက်ထဲမှာ…
…ဥယျာဉ်ထဲမှာ တစ်ခုခုကို မြေဖို့နေတဲ့ မေရီကို ဂျော်နီ မြင်သွားတယ်၊ မျက်လုံးတွေမို့ပြီး ငိုထားတဲ့ပုံပေါက်နေတဲ့ မေရီကို စူးစမ်းချင်စိတ်နဲ့ သူမေးကြည့်တယ်။
“ဘာလုပ်နေတာလဲ မေရီ”
“ငါ့ရွှေငါးလေး သေသွားလို့ သူ့ကို မြေမြုပ်နေတာ” မေရီက မော့မကြည့်ဘဲနဲ့ ပြောတယ်။
“အို ဟုတ်လား၊ ရွှေငါးလေးကို မြေမြုပ်တာ ကျင်းက အကြီးကြီးပါလား” ဂျော်နီ့အသံက ဂရုဏာသံနဲ့ အံ့သြဟန် ရောစွက်နေတယ်။
“ဟုတ်တယ်၊ ငါ့ရွှေငါးက နင်ကြောင်ရဲ့ ဗိုက်ထဲမှာလေ” မေရီက နောက်ဆုံး မြေကြီးတစ်ဆုပ်ကို ဖို့ရင်း ဖြေလိုက်တယ်။

*** ဒဿမကိန်း…
…ဆရာမက ဒဿမကိန်းတွေရဲ့အကြောင်း သင်နေတယ်။ သူက ကျောက်သင်ပုန်းပေါ်မှာ ၁၀.၉ လို့ ချရေးပြပြီးမှ ဒဿမ(.)ကို ဖျက်ပစ်လိုက်တယ်။
“ကဲ ဂျော်နီ၊ အခု ဒဿမ ဘယ်ရောက်သွားပြီလဲ”
…ဂျော်နီက မဆိုင်းမတွဘဲ ချက်ချင်းထဖြေတယ်။
“ဘောဖျက်မှာပါသွားပြီ ဆရာမ”

*** ဒါပဲလုပ်…
…ဆရာက စီးပွားရေးလုပ်ငန်းကြီးတွေနဲ့ သူတို့ လက်ကိုင်ထားတဲ့ ဆောင်ပုဒ်တွေအကြောင်း သင်ပြီးတဲ့နောက် သူ့တပည့်တွေ ဘယ်လောက်မှတ်မိသလဲဆိုတာ ပြန်မေးကြည့်တယ်။
“ဂျိုး ဖြေပါဦး၊ ခင်မင်ဖော်ရွေတဲ့ ကောင်းကင်ရင်ခွင်ဆီကို ပျံသန်းလာခဲ့ပါ ဆိုတာ ဘယ်ကုမ္ပဏီရဲ့ဆောင်ပုဒ်လဲ ”
…ဂျိုးက အဲဒီဆောင်ပုဒ်ကို လက်ကိုင်ထားတဲ့ လေယာဉ်ကုမ္ပဏီရဲ့ အမည်ကို မှန်အောင်ဖြေနိုင်တယ်။
“လင်ဒါ ဖြေပါဦး၊ သူမပါဘဲ အိမ်ကနေ ဘယ်မှမသွားပါနဲ့ဆိုတာက ဘယ်ကုမ္ပဏီရဲ့ဆောင်ပုဒ်လဲ”
…လင်ဒါက အကြွေးဝယ်ကတ်ပြားတွေထုတ်တဲ့ ဘဏ်ရဲ့နာမည်ကို မှန်အောင်ဖြေနိုင်တယ်။
“ကဲ ဒီတစ်ခါတော့ ဂျော်နီ့အလှည့်ပဲ၊ ဒါပဲလုပ် ဆိုတဲ့ ဆောင်ပုဒ်ကကော ဘယ်ကုမ္ပဏီရဲ့ ဆောင်ပုဒ်လဲ၊ မှန်အောင် ဖြေပါ။”
…ဂျော်နီက သွက်သွက်လက်လက် ထဖြေတယ်။
“မာမီပါ”

*** တကယ်လုပ်မယ့်သူတွေ…
…သားတော်မောင် ဂျော်နီ သင်္ချာညံလွန်းလို့ မိဘတွေ စိတ်ညစ်နေကြတယ်။ ကျူရှင်ဆရာပေါင်းစုံသာမက ဗေဒင်ဆရာတွေဆီ၊ နတ်ကတော်တွေဆီအထိလည်း ရောက်ပြီးပြီ။ ဂျော်နီရဲ့အခြေအနေ တိုးတက်မလာဘူး။ နောက်ဆုံးတော့ မိတ်ဆွေတစ်ယောက်ရဲ့ အကြံပေးချက်အရ ခရစ်ယာန်ကက်သလစ်ကျောင်းတစ်ခုက ဖွင့်ထားတဲ့ကျောင်းကို ပို့လိုက်တယ်။
…ထူးခြားမှုက ပထမဆုံး ကျောင်းကပြန်လာတဲ့နေ့မှာ စတယ်။ ခါတိုင်း အကစားမက်တဲ့ ဂျော်နီဟာ ကျောင်းက ပြန်ရောက်တာနဲ့ သူ့အခန်းထဲကို တန်းတန်းမတ်မတ် ၀င်သွားပြီး သင်္ချာပုစ္ဆာတွေနဲ့ နပမ်းလုံးတော့တယ်။ ထမင်းစားပြီးတော့လည်း စာကြည့်စားပွဲကို ချက်ချင်းပြန်ထိုင်တာ ညအိပ်ချိန်အထိပဲ။ ဒီလိုနဲ့ နေ့စဉ်ရက်ဆက် ကြိုးစားနေလိုက်တာ နောက်တစ်လ လပတ်စာမေးပွဲဖြေပြီးချိန်မှာတော့ သင်္ချာဘာသာမှာ “အေ” အဆင့်ရတဲ့ သားတော်မောင်ရဲ့ တိုးတက်မှုကို မယုံနိုင်စရာ တွေ့လိုက်ကြရတယ်။
…အံ့သြ၀မ်းသာနေတဲ့ အဖေနဲ့အမေက ဂျော်နီရဲ့အခန်းထဲထိလိုက်ပြီး စကားပြောကြတယ်။
“သားအခုလို အေ အဆင့်ရအောင် တိုးတက်လာတာ သီလရှင်တွေကြောင့်လား” အမေက တအံ့တသြနဲ့ မေးတယ်။
“မဟုတ်ဘူး”
“ဒါဆို အနီးကပ်သင်ပေးတဲ့ ဆရာမကြောင့်လား”  အဖေက ၀င်မေးတယ်။
“မဟုတ်ဘူး”
“စာအုပ်တွေကြောင့်လား”
“မဟုတ်ဘူး”
“သင်ပုံသင်နည်းကောင်းလို့လား”
“မဟုတ်ဘူး”
“ဒါဆို ဘာကြောင့်လဲ” အဖေနဲ့အမေက ဂျော်နီကို တစ်ယောက်တစ်လှည့် ၀ိုင်းမေးနေကြတယ်။
“တစ်ခုမှ မဟုတ်ဘူး”
…ဂျော်နီက သူ “အေ” အဆင့်ရတဲ့အကြောင်းကို အခုလို ရှင်းပြတယ်။
“ကျောင်းကို စရောက်တဲ့နေ့က အ၀င်ဝမှာ ချိတ်ထားတဲ့ပုံ တစ်ပုံကို တွေ့တယ်မဟုတ်လား၊ လက်ဝါးကပ်တိုင်မှာ သံရိုက်ခံထားရတဲ့ လူတစ်ယောက်ရဲ့ပုံလေ၊ အဲဒီပုံကို တွေ့လိုက်ကတည်းက ဒီကျောင်းက တကယ်လုပ်မယ့်ကျောင်းဆိုတာ သိသာတယ်လေ”


*** လက်လျော့ပြီလား…
…မျက်နှာကို ပေါင်းတင်တဲ့ ဆေးရည်တွေနဲ့ လိမ်းကျံနေတဲ့ အမေကို စိတ်ဝင်တစားကြည့်ရင်း ဂျော်နီက မေးတယ်။
“အမေ ဘာလို့ အဲဒါတွေ လိမ်းနေတာလဲ”
“လှအောင်လို့ပေါ့ သားရဲ့”
…နောက်မိနစ်အနည်းငယ်ကြာတော့ မျက်နှာပေါ်က ဆေးတွေကို ဖျက်ပစ်နေတဲ့ အမေကို ကြည့်ရင်း ဂျော်နီက ထပ်မေးတယ်။
“ဘာဖြစ်လို့လဲ အမေ၊ လက်လျှော့လိုက်ပြီလား”

…ဂျော်နီလေးရဲ့ဟာသများနဲ့ ကမ္ဘာသစ်သူငယ်ချင်းများအားလုံး ပြုံးပျော်ရွှင်လန်းကြပါစေ…